‘अर्थमन्त्री मुटुको बिरामी हुनुहुन्छ, सिंहदरबार र बालुवाटारबाहेक कतै जानुभएको छैन’ : प्रेस संयोजक

 

अर्थमन्त्री डा. युवराज खतिवडा मुटु र डाइबिटिज (मधुमेह) को बिरामी भएकाले स्वास्थ्यप्रति सजग रहेको उनका प्रेस संयोजक यमन पौडेलले स्पष्टीकरण दिएका छन् ।

लकडाउनपछि मन्त्री खतिवडा कुनै पनि पारिवारिक जमघटमा सहभागी नभएको पौडेलको स्पष्टीकरण छ ।

कोराना संक्रमितहरु फेला परेको सन सिटी अपार्टमेन्टमा अर्थमन्त्रीका छोरा, बुहारी र नातिनी बस्ने गरेका थिए ।

यसवीचमा मन्त्री खतिवडाको पारिवारिक भेटघाट भएको थियो कि थिएन भनेर प्रश्न उठेपछि मन्त्री खतिवडाका प्रेस संयोजक पौडेलले यसबारे स्पष्टीकरण दिएका हुन् ।

लकडाउनपछि मन्त्री खतिवडा सिंहदरबार र बालुवाटारबाहेक अन्त कतै नगएको र सामाजिक दूरीमा रहेको पौडेलले बताए ।

प्रेस संयोजक पौडेलले दिएको स्पष्टीकरण–

मन्त्रीज्यू सन सिटीमा जानुभएको छैन । लकडाउनयता कहीँ पनि जानुभएको छैन । त्योभन्दा पहिले पनि जानुभएको छैन ।

‘उहाँ मुटुको बिरामी हो । डाइबिटिजको बिरामी हो । डब्ल्युएचओले भनेअनुसारको डिस्ट्यान्स मेन्टेन गर्नेदेखि लिएर खाने कुरा र स्वास्थ्य सुरक्षाका सबै कुराहरुमा एकदमै सजग हुनुहुन्छ ।’

मन्त्री निवासदेखि अर्थ मन्त्रालय र अफिसदेखि प्रधानमन्त्री निवास र रक्षामन्त्रीको उच्चस्तरीय समन्वय समितिमा बाहेक उहाँले कहीँ पनि कसैसँग भेट गर्नुभएको छैन ।

मन्त्रीज्यू मुटुको विरामी भएकाले अघिपछि पनि खानपान भीडभाडमा नहिँड्ने मान्छे हो । उहाँ शुद्ध शाकाहारी हो ।

अघिपछि पनि फाइभ स्टार होटलमा सन्ध्याकालीन कार्यक्रम हुँदाखेरि प्रमुख अतिथिका रुपमा जाँदाखेरि भाषण गरेर एक कप चिया पनि नखाइन सिधै हिँड्ने मान्छे हो ।

लकडाउनपछि हाम्रै अफिस (अर्थ मन्त्रालय) मा पनि केही स्टाफहरु कटौती भएर हामी निश्चित मान्छेहरु मात्रै छौं । हामीलाई पनि जो जहाँ छ, त्यहीँ मात्र आउने, अन्यत्र कसैलाई नभेट्ने भन्ने सजग गराइएको छ ।

हामी यसरी सजग भयौं भने मात्र मन्त्रीज्यूको स्वास्थ्य ठीक हुने भयो । मन्त्रीज्यू पनि कतै घुमघाम गर्नुभएन भने हामी ठीक हुने भयौं ।

मन्त्रीज्यूको घरमा पारिवारिक जमघट र पाहुनाहरु आउने केही पनि छैन । उहाँहरु श्रीमान–श्रीमती दुईजना मन्त्री निवासमा बस्नुहुन्छ । लकडाउनपछि उहाँ धुम्बाराही घरमा समेत जानुभएको छैन ।

अन्तिम पटक अपडेट गरिएको : April 18th, 2020,

प्रतिकृया दिनुहोस्

सम्वन्धित समाचारहरु