बालुवाटारमा पुगेर देउवाले ओलीको अगाडी संसद अपहरणको कुरा निकालेपछि….

 

सत्तारुढ दल नेपाल कम्युनिष्ट पार्टी (नेकपा)का अध्यक्ष एवं प्रधानमन्त्री केपी शर्मा ओली र प्रमुख विपक्षी दल नेपाली काँग्रेसका सभापति शेरबहादुर देउवाबीच आज प्रधानमन्त्रीको निमन्त्रणामा बालुवाटारमा भेटघाट भएको छ ।

भेटमा सभापति देउवाले सरकारले दुवै अध्यादेश फिर्ता लिएकामा प्रधानमन्त्रीलाई धन्यवाद दिँदै एक सांसदलाई अ’पहरण शैलीमा काठमाडौँ ल्याउने घटनामा संलग्नलाई कारवाहीको माग गर्नुभएको काँग्रेसका मुख्यसचिव कृष्णप्रसाद पौडेलले जानकारी दिनुभयो । उक्त घटनाका दोषीलाई कारवाही गर्नुपर्ने माग देशभरी उठेको र आफ्नो माग पनि यही रहेको उल्लेख गर्दै सभापति देउवाले देशमा कानूनी राज्य छ भने निष्पक्ष अनुसन्धान र कारवाही हुनुपर्छ भन्नुभएको थियो ।

देउवाले यसबारे छानविन र सत्य तथ्य माग गरेपछि जवाफमा प्रधानमन्त्री ओलीले यसबारे आफूलाई जानकारी नभएको बताउँदै सत्य तथ्य बुझेर जानकारी दिने आश्वासन दिएको स्रोतले बतायो। प्रधानमन्त्री ओलीले अ’पहरणको विषयमा अनविज्ञता प्रकट गर्नुभयो। आफ्नो नाममा कसैले बदमासी गरेको भए कार्वाही गर्ने उहाले बताउनुभयो ।महोत्तरीबाट काठमाडौं ल्याउने क्रममा स्वयं प्रधानमन्त्री ओलीले सांसद किसान श्रेष्ठको फोनमा तत्कालिन समाजवादीका सांसद सांसद डा सुरेन्द्र यादवसँग कुरा गर्नुभएको थियो । जुन कुरालाई यादवले यसअघी नै बताउनुभएको छ ।

सरकारले यही वैशाख ८ गते जारी गरेका संवैधानिक परिषद् र राजनीतिक दलसम्बन्धी दुई अध्यादेशको सर्वत्र विरोध भएपछि आज खारेज गरेको छ । कोरोना भाइरसको सङ्क्रमण रोक्न व्यापक परीक्षण अहिलेको आवश्यकता भएको र समुदायस्तरमा व्यापक परीक्षण गर्न ढिलो नगरौँ भनेर प्रधानमन्त्रीसमक्ष आग्रह गर्दै सभापति देउवाले स्वास्थकर्मीलाई पिपिईलगायतका आवश्यक सामग्री यथाशिघ्र पु¥याउन सुझाव दिनुभएको थियो । साथै उहाँले स्वास्थकर्मीलाई हतोत्साहित गर्न खोज्ने कुनै पनि कार्य तुरुन्तै रोक्नुपर्ने बताउनुभएको थियो ।

भेटमा सभापति देउवाले श्रमिकलाई कि खान दिनोस् कि गाउँ जान दिनोस् भन्दै राहत घोषणा अधुरो भएको, पुग्नुपर्नेकोमा अझै नपुगेको, श्रमिक, बेरोजगार, विद्यार्थी र साना ठूला सबै व्यवसायीका लागि तत्काल अर्को राहत प्याकेज ल्याउन सुझावसमेत दिनुभएको थियो । विदेशमा रहेका नेपालीले देशलाई रेमिट्यान्स पठाएर योगदान गरिरहेको उल्लेख गर्दै उहाँले आज उनीहरु अप्ठ्यारो परेको स्थितिमा उद्धार गर्ने बारे तत्काल योजना सार्वजनिक गरी कार्यान्वयन गर्नुपर्ने बताउनुभएको मुख्य सचिव पौडेलले बताउनुभयो ।

सभापति देउवाले कोरोनाको जोखिमसँग लडिरहँदा अब विवाद्का कुनै कुरा नल्याउन सुझाव दिँदै प्रधानमन्त्रीलाई थप सजग पनि गराउनुभएको काँग्रेसले जनाएको छ ।

प्रकाशित भएको : April 25th, 2020

प्रतिकृया दिनुहोस्

सम्वन्धित समाचारहरु