दाङमा ट्याक्टर दुर्घटना हुँदा एक जनाको मृत्यु

 

दाङमा ट्याक्टर दुर्घटना हुँदा सोमबार एक किशोरको मृत्यु भएको छ ।

लमही बजारबाट स्थानीय अर्जुनखोला जाँदै गरेको रा १ त ३४७० नम्बरको ट्याक्टर दुर्घटना हुँदा लमही नगरपालिका वडा नम्बर ५ का १९ वर्षीय दिनेश चौधरीको मृत्यु भएको प्रहरीले जनाएको छ ।

खोलाबाट ट्रयाक्टरमा बालुवा लादी घर बनाउँदै गरेको स्थानमा पुर्‍याउने क्रममा कोइलाबास सडकखण्डको लमही –५ मा सो दुर्घटना भएको वडा प्रहरी कार्यालय लमहीका प्रहरी निरीक्षक प्रज्वल थपलियाले जानकारी दिए ।

चौधरी सोही ट्याक्टरमा काम गर्ने श्रमिक भएको प्रहरीले जनाएको छ । रातभर पानी परेकाले बाटामा चिप्लिएर दुर्घटना भएको थियो । ट्रयाक्टर र चालकलाई प्रहरीले नियन्त्रणमा लिएको छ ।

विराटनगरका मेयरको आक्रोश : काठमाडौंबाट गाडीका गाडी मान्छे पठाउने मिल्ने, यहाँबाट किन नमिल्ने ?

१५ वैशाख, विराटनगर । विराटनगरबाट पठाइएका यात्रु काठमाडौं प्रवेश नाका नागढुंगामा रोकिएपछि विराटनगर महानगरपालिकाका मेयर भीम पराजुलीले काठमाडौंले हेपाहा प्रवृत्ति देखाएको बताएका छन् ।

विराटनगरमा अलपत्र रहेका काठमाडौंबासीलाई पठाए पनि नागढुंगामा रोकिएपछि पराजुलीले घर जान नदिनु हेपाहा प्रवृत्ति भएको बताएका हुन् ।

आइतबार काठमाडौंमा अलपत्र विराटनगरका बासिन्दालाई लिन विराटनगर महानगरपालिकाले सातवटा बस पठाएको थियो । सोही बसमा विराटनगरमा अलपत्र काठमाडौंका १६० जनालाई पठाइएको थियो ।

सोमबार बिहानै नागढुंगा आइपुगेका उनीहरुलाई प्रहरीले रोकेको थियो । केहीलाई व्यक्तिगत विवरण टिपेर छाडियो भने केहीलाई नाकामै रोकियो । प्रहरीले रोकेकाहरु घण्टौंदेखि सडकमै अलपत्र परे ।

यो खबर पाएपछि विराटनगर महानगरपालिकाका मेयर भीम पराजुलीले भने, ‘काठमाडौंबाट आएका स्थानीयलाई हामी प्रकृया पु¥याएर स्वागत गरिरहेका छौं । काठमाडौंले आफ्ना बासिन्दालाई प्रवेश गर्न नदिने भन्न मिल्छ ?’

काठमाडौंमा बसोबास गरिरहेकाहरुलाई राहत वितरण गर्न नसकेको संघीय सरकारले सर्वसाधारणलाई आधा बाटोमै रोक्नु गलत भएको उनको गुनासो छ ।

आधा बाटोमा पुगेकाहरुलाई घर पुग्न दिनु पर्ने उनले बताए । ‘उताबाट पठाउने अनि यहाँबाट निमिल्ने विषय उपयुक्त होइन,’ उनले भने, ‘राहत वितरण गरेर अलपत्रलाई उतै राख्नुहोस्, यहाँ अलपत्रलाई हामीले व्यवस्थापन गर्छाैं ।’

सोमबार बिहान नाकामा रोकिएपछि मेयर पराजुली र प्रमुख प्रशासकीय अधिकृत इन्द्रमणी पोखरेलले काठमाडौंका जिम्मेवार निकायमा समन्वय गरिरहेका छन् । नागढुंगामा रोकिएका मध्ये केही काठमाडौं प्रवेश गरेका छन् केही यात्रु रोकिएका छन् ।

‘जान नमिल्ने भए, यहाँ पनि संघिय सरकारको उपस्थिति छ, यहीँ रोक्दा हुन्थ्यो,’ प्रशासकीय अधिकृत पोखरेल भन्छन्, ‘नागढुंगामा रोकेर अलपत्र पार्न मिल्दैन ।’

कोरोना महामारी त्रासको समयमा काठमाडौं खाली गराउन अन्य जिल्लाका बासिन्दालाई घर जान दिने तर जिल्लामा अलपत्र परेका काठमाडौंबासीलाई रोक्न नहुने मेयर पराजुलीको भनाइ छ । महामारी त्रासका बेला सदरमुकामबाट जिल्ला पठाउँदा ग्रामिण क्षेत्रमा कोरोनाको जोखिम बढेको छ ।

प्रकाशित भएको : April 27th, 2020

प्रतिकृया दिनुहोस्

सम्वन्धित समाचारहरु