बिजुलीका तार भूमिगत गर्नका लागि यसरी हुँदैछ काम (तस्बिरहरु)

 

काठमाडौं । सोमबार बिहान मजदुरहरु कोही कोही घमाधम खन्दै थिए । कोही मेसिन चलाउँदै थिए त कोही प्राविधिक विषयको नापजाँच गर्दै थिए ।

यो दृश्य चाबहिल क्षेत्रको हो । जहाँ धमाधम बिजुलीका तार भूमिगत गर्नका लागि काम भइरहेको थियो ।

सरकारी निर्णयअनुसार नेपाल विद्युत प्राधिकरणले केही समयअघिदेखि राजधानीमा बिजुलीका तारलाई भूमिगत गराउने कार्य गरिरहेको छ ।

पोलमा टाँगिएका तारले शहरलाई कुरुप बनाउनुका साथै विभिन्न समस्या समेत उत्पन्न भएपछि तार भूमिगत गर्ने कार्य थालिएको हो । सो कार्य मुलुकमा कोरोनाको त्रासका कारण लकडाउन हुँदापनि आवश्यक स्वास्थ्य सजगता अपनाएर भइरहेको छ ।

प्राधिकरणले उपत्यकाको विद्युत् वितरण प्रणाली भूमिगत, सुदुढीकरण र स्वचालित गर्ने उद्देश्यले पहिलो चरणमा रत्नपार्क र महाराजगञ्ज वितरण केन्द्र अन्तर्गतको क्षेत्रमा सुरुवात गरेको हो।

यी दुई क्षेत्रका लागि २०१९ मार्चमा केईआई इन्डस्ट्रिजसँग २०२१ अक्टोबरमा सम्पन्न गर्ने गरी ठेक्का सम्झौता भएको थियो। एसियाली विकास बैंकको सहुलीयत पूर्णऋण र सरकार तथा विद्युत् प्राधिकरणको लगानीमा आयोजना सञ्चालन गरिएको हो।

प्रकाशित भएको : April 27th, 2020

प्रतिकृया दिनुहोस्

सम्वन्धित समाचारहरु