“मोबाइल फुड बैंक” : छ भने दिएर छैन भने लिएर सहयाेग गराैं

 

पोखरा,

विश्वभर महामारीको रुप लिईरहेको कोरोना भाईरस (कोभिड १९) को कारण भएको बन्दाबन्दी र देशको अवस्थालाई मध्यनजर गर्दै पोखरामा फुड सेन्टर (“मोबाइल फुड सेन्टर”) अभियान थालिएको थियाे।

बिशेष गरि दैनिक ज्याला मजदुरी गरेर खाने, र बन्दाबन्दीका कारण दैनिक बिहान बेलुका खान समेत अपुग हुने हरुको लागि लक्षित गरि अखिल नेपाल राष्ट्रीय स्वतन्त्र बिधार्थि युनियन (अनेरास्वयू) केन्दीय नेता क्षितिज सापकोटाको समन्वय र सहिद बेपत्ता स्मृति स्पोर्ट्स स्कूल को सहकार्यमा पाेखराकाे नालाकाे मुखमा  फुड सेन्टर संचालन गरिएको हो ।

खाद्यान्न हुनेले दिएर जाने तथा नहुने ले लिएर जाने हुदा पनि यो अभियान आफैमा लोकप्रीय रहेको छ । राहतको नाममा १/२ सामाग्री बाड्दै फोटो खिचाउदै जाने चलन लाई समेत अन्त्य गराउन फुड सेन्टर संचालन गरिएको नेता सापकोटा ले बताए ।

पछिल्लाे लकडाउनबाट सुरूवात गरीएकाे याे कार्यक्रमबाट कुल  १४५० जना लाभाम्वित भएका छन भने अाज  भएकाे खाध्य सहयाेग वितरणबाट ५५० जना लाभाम्वित भएका छन ।

जो कोहिलाई पनि भोकै बस्न पर्ने अवस्था आउन नदिन फुड सेन्टर संचालन गरिएको हाे ।

राहत बितरण प्रचारका लागि नभई योगदानको निमित्त हुनुपर्ने भन्दै जो कोहिलाई पनि भोकै बस्न पर्ने अवस्था आउन नदिन फुड सेन्टर संचालन गरिएको बताए ।

फुड सेन्टरमा मास्क, senitizer साथै नुन, तेल,चिनि,दाल, चामल,लगायत खद्यान्नहरु राखिएको छ । यो अभियान बिषेश गरी दैनिक ज्याला मजदुरी गर्नेलाइ लक्षित गरि गरीएकाे हुदा  अब उक्त कार्यक्रम अर्काे लकडाउन नहुदा सम्मकाे लागि  वा अन्य कुनै प्राकृतिक विपत्ती नभइन्जेल सम्मकाे लागी स्थगित गरीएकाे छ ।

विपतकाे समयमा सरकारले नहेरेकाे भएतापनि याे कार्यक्रमले दुखी अनि दैनीकी मजदुरकाे पिडा तथा अासु पुछ्ने काम गरेकाे संचालक सापकाेटा बताउँछन ।

थप तस्विरहरू हेर्नुहाेस् ।

प्रकाशित भएको : August 29th, 2020

प्रतिकृया दिनुहोस्

सम्वन्धित समाचारहरु