आज अहिलेसम्मकै सर्वाधिक कोरोना संक्रमित थपिए, १४ जना कोरोना संक्रमितको मृत्यु पुष्टि

 

काठमाडौं,

एकै दिन सर्वाधिक १४ जना कोरोना संक्रमितको मृत्यु पुष्टि

नेपालमा आज कोरोना भाइरसको संक्रमणबाट १४ जनाको मृत्यु पुष्टि भएको छ । आज स्वास्थ्य तथा जनसंख्या मन्त्रालयले मृतक संख्याबारे पुष्टि गरेको हो । यो अहिलेसम्म एकै दिन मृत्यु पुष्टि भएको सर्वाधिक संख्या हो ।

मन्त्रालयका प्रवक्ता डा. जागेश्वर गौतमले आज मृत्यु हुनेहरुमा ४ जना महिला र १० जना पुरुष छन् । योसँगै कुल मृतकको संख्या २ सय २१ पुगेको छ ।

यसअघि हिजो १२ जना थप संक्रमितको मृत्यु पुष्टि भएसँगै कुल संख्या २०७ पुगेको थियो ।

आज अहिलेसम्मकै सर्वाधिक १२ सय २१ कोरोना संक्रमित थपिए

नेपालमा आज कोरोना भाइरसका १२ सय २१ जना संक्रमित थपिएका छन् । योसंगै कुल संक्रमितको सख्या ३८ हजार ५ सय ६१ पुगेको छ । आज स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले संक्रमित संख्याबारे जानकारी दिएका हुन् ।

देशभर संक्रिय संक्रमितको सख्या १७ हजार ५ सय १८ रहेको छ । आज अहिलेसम्मकै सर्वाधिक संक्रमित संख्या थपिएको हो । योसँगै अवस्था झन् भयावह हुने देखिएको छ ।

आजसम्म २० हजार ८ सय २२ जना संक्रमणमुक्त भएका छन् । आज २४ घन्टामा संक्रमणमुक्त भई घर फर्कनेको सख्या २६७ रहेको छ ।

प्रकाशित भएको : August 30th, 2020

प्रतिकृया दिनुहोस्

सम्वन्धित समाचारहरु