आइफोन १२ भारतमा बन्ने, जान्नुहोस अरु नयाँ के के छन फिचर

 

आइफोन प्रयोगकर्ताहरुले एप्पलको नयाँ संस्करण आइफोन १२ को व्यग्र प्रतिक्षा गरिरहेका छन् । आगामी सेप्टेम्बर १० मा एप्पलले आइफोन १२ सिरिज लञ्च गर्ने अनुमान गरिएको छ ।

आइफोन १२ को लुक्स तथा डिजाइनदेखि क्यामरालगायतका विभिन्न फिचर्सका बारेमा केही समय यता सञ्चार माध्यमहरुले अनेक खुलासा गरिरहेका छन् ।

केही समयअघि सार्वजनिक भएको एउटा समाचारमा आइफोन १२ को संस्करणमा ६४ मेगापिकृसेलको प्राइमरी क्यामरा रहने दाबी गरिएको थियो ।

तर उक्त दाबीलाई खण्डन गर्दै पछिल्लोपटक एक नयाँ समाचार आएको छ जसले आसन्न आइफोनको धमाकेदार क्यामराको प्रतिक्षा गरिरहेका एप्पल फ्यानहरुलाई झट्का दिनसक्छ । त्यो के भने आइफोन १२ मा ६४ मेगापिक्सेलको नभई १२ मेगापिक्सेलको प्राइमरी क्यामरा सेन्सर हुनेछ ।

सबै मोडेलमा १२ मेगापिक्सेल क्यामरा

रिपोर्ट अनुसार आइफोन १२ सिरिजका सबै मोडेलहरुमा १२ मेगापिक्सेलकै मुख्य क्यामरा सेन्सर रहनेछ । रिपोर्टअनुसार एप्पलले पहिलोपल्ट आइफोन १२ भारतमा समेत उत्पादन गर्दैछ ।

आइफोनको उक्त मेड इन इण्डिया मोडेल भारतको बैंगलोरमा उत्पादन हुनेछ । बैंगलोरमा बन्ने आइफोन १२ सन् २०२१ को मध्यसम्ममा बजारमा आउने अनुमान गरिएको छ ।

कति पर्ला मूल्य ?

हालैको एक रिपोर्टअनुसार आइफोन १२ सिरिजको मूल्य ७ सय देखि १२ सय डलर सम्म पर्नेछ ।

यसको अर्थ आइफोन १२ को सबैभन्दा महंगो मोडेल समेत आइफोन ११ भन्दा सस्तो हुनेछ । आइफोन १२ सिरिजमा आइफोन १२, १२ म्याक्स, १२ प्रो र १२ प्रो म्याक्स गरी विभिन्न ४ वटा मोडेल आउने बताइएको छ । यद्यपि नाम त्यहीँ नै रहन्छ भन्ने अहिलेसम्म एप्पलको तर्फबाट कुनै आधिकारिक धारणा आएको छैन ।

एक रिपोर्टअनुसार आइफोन १२ प्रो को डिजाइन धेरै हदसम्म आइफोन फाइभबाट प्रभावित हुनेछ । आइफोन १२ फाइभ जी मोडेलमा आउने अपेक्षा गरिएको छ ।

फेसबुक र इन्स्टाग्राममा समाचार शेयर गर्न नमिल्ने !

प्रयोगकर्ताले शेयर गर्ने विभिन्न समाचारहरु बापत सम्बन्धित सञ्चार माध्यमलाई शुल्क तिर्नुपर्ने अष्ट्रेलियाको प्रस्तावित नयाँ कानुनप्रति फेसबुकले कडा प्रतिक्रिया जनाएको छ ।

फेसबुकमा जो कोहीले शेयर गर्ने समाचारबापत सम्बन्धित मिडियालाई फेसबुकले पैसा तिर्नुपर्ने गरी अष्ट्रेलियाले नयाँ कानून निर्माणको तयारी गरेसँगै फेसबुक र गुगल त्यसविरुद्ध उभिएका छन् ।

त्यस्तो कानून बनेमा अष्ट्रेलियामा फेसबुक प्लाटफर्ममा समाचार शेयर गर्ने फिचर बन्द गर्ने चेतावनी फेसबुकले दिएको छ ।

गुगलले गत महिना नै प्रस्तावित उक्त कानुनको विरोध गर्दै यदि सो कानुन आएमा अष्ट्रेलियामा गुगल सर्चको सेवा नाटकीय रुपमा खस्किने चेतावनी प्रयोगकर्ताहरुलाई दिएको छ ।

यसरी गुगललाई पछ्याउँदै फेसबुकले पनि पछिल्लोपटक चेतावनी दिएसँगै अष्ट्रेलिया सरकार र दिग्गज प्रविधि कम्पनीहरुबीचको तनाव सतहमा आएको हो ।

समाचार शेयर भएबापत फेसबुकले पैसा तिर्नुपर्ने अष्ट्रेलियाद्वारा प्रस्तावित विधयेकले कानुनको रुप लिएमा अष्ट्रेलियाली प्रयोगकर्ताका लागि फेसबुक र इन्स्टाग्राममा समाचार शेयर गर्ने फिचर बन्द गरिने फेसबुकले प्रष्ट पारेको छ ।

अष्ट्रेलियन नियामक निकायको रुपमा रहेको प्रतिस्पर्धा तथा उपभोक्ता आयोगले भने विज्ञापनबाट हुने आम्दानी धरासायी भएको अवस्थामा प्रविधि कम्पनी र अष्ट्रेलियन समाचार संस्थाहरुको बीचमा तादात्म्यता कायम गर्न उक्त कानुन बनाउन लागेको दाबी गरेको छ ।

समाचार शेयर गर्ने फिचर बन्द गरिने फेसबुकको चेतावनीलाई उसले गलत समयको गलत बुझाइ भनी टिप्पणी गरेको छ ।

आयोगका अध्यक्ष रोड सिम्सका अनुसार उक्त कानुनको उद्देश्य भनेको फेसबुक तथा गुगल जस्ता कम्पनीहरु र अष्ट्रेलियन समाचार मिडिया व्यवसायबीचको सम्बन्धलाई स्वच्छ र पारदर्शी बनाउनु हो ।

तर अष्ट्रेलिया तथा न्युजिल्याण्ड हेर्ने फेसबुकका प्रबन्ध निर्देशक विल एस्टोनले आफ्नो ब्लग पोष्टमा उक्त प्रस्तावित कानुनप्रति टिप्पणी गर्दै त्यसले इन्टरनेटको बहुआयामिकतालाई दिग्भ्रमित बनाउनुका साथै अष्ट्रेलियन सरकारले संरक्षण गर्ने प्रयास गरिरहेका समाचार एजेन्सीहरुलाई उल्टै क्षति पु¥यराउने चेतावनी दिएका छन् ।

त्यस्तो कानून बनेमा समाचार एजेन्सीहरु आफैंले फेसबुकमा शेयर गरेको समाचार बापतसमेत फेसबुकले उनीहरुलाई पैसा तिर्नुपर्ने अवस्था आउने उनको तर्क छ ।

फेसबुकको न्युजफिडका कारण समाचार एजेन्सीहरुलाई ठूलो फाइदा पुगेको र सन् २०२० को पहिलो पाँच महिनामा मात्रै फेसबुक न्युजफिडबाट छिरेर पाठकहरुले २ अर्ब ३० करोड पटक अष्ट्रेलियन समाचार वेबसाइटहरुका सामाग्रीहरु हेरेको भन्दै उनले यसबाट न्यूज एजेन्सीहरुलाई २० करोड डलर फाइदा भएको जिकिर गरेका छन् ।

फेसबुक तथा इन्स्टाग्राममा समाचार शेयर गर्न रोक्नु आफूहरुको लागि पहिलो रोजाइ नभई अन्तिम विकल्प भएको भन्दै उनले समाचार रोकिए पनि फेसबुकका अन्य सेवा तथा फिचरहरुमा भने कुनै प्रभाव नपर्ने प्रष्ट पारेका छन् ।

बीबीसीसँगको कुराकानीमा फेसबुकका प्रवक्ताले अष्ट्रेलियामा फेसबुक तथा इन्स्टाग्राममा समाचारहरुमाथि बन्देज लगाउने प्रक्रियाको कार्यान्वयनका विषयमा छिटै नै विस्तृत खाका सार्वजनिक गरिने जनाएका छन् ।

भारतमा पब्जीसहित ११८ मोबाइल एप्समाथि प्रतिबन्ध

भारतले पबजीसहित ११८ मोबाइल एप्समाथि प्रतिबन्ध लगाउने निर्णय गरेको छ । भारतको सूचना तथा प्रविधि मन्त्रालयले बुधबार यस्तो निर्णय गरेको हो । मन्त्रालयले विज्ञप्ति जारी गर्दै यस्तो जानकारी दिएको हो ।

मन्त्रालयले सार्वजनिक गरिएको विज्ञप्तिमा यी मोबाइल एपहरु भारतको सम्प्रभुता र अखण्डता, सुरक्षा र सार्वजनिक व्यवस्थाप्रति पूर्वाग्रही रहेको बताएको छ ।

अहिले भारतले प्रतिबन्ध लगाएका एपहरुमा धेरै एप चीनसँग जोडिएका छन् । भारतको सूचना तथा प्रविधि मन्त्रालयले यो कदमले भारतको करोडौं मोबाइल र इन्टरनेट प्रयोगकर्ताको लाभ हुने बताएको छ । साथै भारतको साइबर स्पेसको सुरक्षा र सम्प्रभुता सुनिश्चित गर्ने उद्देश्यका साथ यो निर्णय लिइएको विज्ञप्तिमा उल्लेख गरेको छ ।

पछिल्लो समय चीनसँग भारतको तनाव बढिरहेको समयमा भारतले यस्तो निर्णय गरेको हो । यसअघि पनि भारतले चीनसँग जोडिएका ५९ मोबाइल एपमा प्रतिबन्ध लगाउने निर्णय गरेको थियो । जसमा लोकपि्रय भिडियो एप टिकटक पनि सामेल थियो ।

प्रकाशित भएको : September 4th, 2020

प्रतिकृया दिनुहोस्

सम्वन्धित समाचारहरु