८ बुदे सहमति भएपछि डाक्टर गोविन्द केसीले तोडे २८ औं दिनमा अनशन

 

काठमाडौं
स्वास्थ्य शिक्षा सुधारको माग राख्दै १९औं पटक आमरण अनशन बसेका डा. गोविन्द केसीले अनशन तोडेका छन्। 

डा. केसीलाई ४६ वर्षका विकास नेपालीले जुस पिलाएर १९ औं अनसन अन्त्य गरेका हुन्। नेपाली केही समयअघि कोरोना संक्रमणमुक्त भएका त्रिवि शिक्षण अस्पतालमा कार्यरत कर्मचारी हुन्। 

अनसन तोडेसँगै डा. केसीलाई अब आईसीयूमा राखेर उपचार गरिने जानकारी दिइएको छ। 

हिजो आफ्नो मागमा सरकाले सहमति जनाएपछि उनले २८‍औं दिनमा अनशन तोडेका हुन्। सरकारद्वारा गठित वार्ता टोली संयोजक शिक्षासचिव गोपीनाथ मैनाली र डा. केसीबीच हिजो राति अबेर ८ बुँदे सहमति पत्रमा हस्ताक्षर भएको थियो। 

दुई पक्षबीच भएको सहमति पत्र लिएर शिक्षासचिव गोपिनाथ मैनाली डा. केसीलाई भेट्न महाराजगञ्‍जस्थित त्रिवि शिक्षण अस्पताल पुगेका थिए। 

डा. केसीले २९ भदौबाट जुम्लाबाट अनशन थालेका थिए। स्वास्थ्य अवस्था बिग्रिदै गएपछि उनलाई ५ असोजमा नेपालगञ्‍ज ल्याइएको थियो। 

त्यसको भोलिपल्ट ६ असोजमा काठमाडौं ल्याइएपछि उनी महाराजगञ्‍जस्थित त्रिवि शिक्षण अस्पतालमा अनशन बसिरहेका थिए। 

प्रकाशित भएको : October 11th, 2020

प्रतिकृया दिनुहोस्

सम्वन्धित समाचारहरु