दोस्रो संविधानसभामा प्रचण्डलाई पराजित गरेका लिलानाथ श्रेष्ठ पहिलो पटक मन्त्रीमा नियुक्त

 

काठमाडौं

नेकपा अध्यक्ष (तत्कालीन माओवादी केन्द्रका अध्यक्ष) पुष्पकमल दाहाल प्रचण्डविरुद्ध अदालतको ढोका समेत ढक्ढक्याएका लीलानाथ श्रेष्ठ मन्त्री बनेका छन् ।

सिरहा क्षेत्र नम्बर ३ बाट निर्वाचित श्रेष्ठले महिला, बालबालिका तथा जेष्ठ नागरिक मन्त्रीको जिम्मेवारी पाएका हुन् । 

प्रधानमन्त्रीको सिफारिशमा मन्त्रिपरिषद् हेरफेर गरेको राष्ट्रपतिको कार्यालयले बुधवार विज्ञप्ति जारी गरी जनाएको छ ।

संविधान सभाको दोस्रो निर्वाचनमा तत्कालीन माओवादीका अध्यक्ष पुष्पकमल दाहाल प्रचण्डसँग सिरहा क्षेत्र नम्बर ५ बाट पराजित भएपछि तत्कालीन एमाले उम्मेदवार श्रेष्ठले चुनावमा धाँधली भएको आरोपसहित अदालतमा रिट दायर गरेका थिए ।

तर संयोग, पछिल्लो प्रतिनिधि सभा चुनावमा उनै प्रचण्डको पार्टी माओवादीकै सहयोगमा श्रेष्ठले चुनाव जितेका हुन् ।

गएको चुनावमा तत्कालीन एमाले र माओवादीले चुनावी तालमेल गरेका थिए । वाम गठबन्धनबाटै श्रेष्ठ विजयी भएका हुन् ।

प्रकाशित भएको : October 15th, 2020

प्रतिकृया दिनुहोस्

सम्वन्धित समाचारहरु