जंगलमा भेटियो बन्दुक

 

२३ मंसिर, गोरखा । गोरखाको पालुङटार नगरपालिका–६ को घिमिरेचोक बर्षले सामुदायिक वनमा भरुवा बन्दुक फेला परेको छ ।
इलाका प्रहरी कार्यालय ठाटीपोखरीबाट गस्ती गएको प्रहरी टोलिले शनिवार साँझ जंगलमा बन्दुक भेटेको हो ।

वन्यजन्तुको शिकारका लागि उक्त बन्दुक प्रयोग भएको हुनसक्ने प्रहरीको प्रारम्भिक अनुमान छ । ‘यो जंगल कालिज पाउने क्षेत्र रहेछ,’ इलाका प्रहरी कार्यालय ठाटीपोखरीका प्रहरी निरिक्षक सोमदास ढकालले भने, ‘त्यसकै शिकार गर्न यो बन्दुक प्रयोग भएको हुनसक्ने आशंका छ ।’
सडक छेऊ बन्दुक भेटिए पनि वरिपरि मान्छे नभेटिएको उनले बताए । हाल बरामद बन्दुकलाई इलाका प्रहरी कार्यालय, ठाटीपोखरीमा राखिएको डिएसपी वासुदेव खतिवडाले जानकारी दिए ।

प्रकाशित भएको : December 8th, 2020

प्रतिकृया दिनुहोस्

सम्वन्धित समाचारहरु